បង្ក្រាបទីតាំងបើកល្បែងស៊ីសង ហ្គេមបាញ់ត្រីមួយកន្លែង ឃាត់ខ្លួនជនសង្ស័យ៥នាក់
30-May-2019 | ដោយ ពលមនសិការ
ភ្នំពេញ៖ កម្លាំងអធិការដ្ឋាននគរបាលខណ្ឌឫស្សីកែវ សហការជាមួយកម្លាំងបញ្ជាការឯកភាព បានបង្ក្រាបទីតាំងបើកល្បែងស៊ីសង ហ្គេមបាញ់ត្រីមួយកន្លែង កាលពីថ្ងៃទី២៩ ខែឧសភា ឆ្នាំ២០១៩ វេលាម៉ោង១៦និង៣០នាទី នៅចំណុចផ្ទះគ្មានលេខ ផ្លូវលំ ក្រុមទី១៤ ភូមិផ្សារតូច សង្កាត់ទួលសង្កែទី១។
លោកវរសេនីយ៍ទោ គល់ យី អធិការនគរបាលខណ្ឌបានឱ្យដឹងថាក្នុងប្រតិបត្តិការខាងលើសមត្ថកិច្ចបានឃាត់ខ្លួនជនសង្ស័យ៥នាក់រួមមាន៖ទី១-ឈ្មោះ សុខ ពិសិទ្ធ ភេទប្រុសអាយុ២៧ឆ្នាំ មុខរបរអ៊ុតសក់ ស្នាក់នៅផ្ទះគ្មានលេខ ក្រុម១ភូមិផ្សារតូច សង្កាត់ទួលសង្កែទី១។
ទី២-ឈ្មោះ គង់ ឆាយ ភេទប្រុស អាយុ២៨ឆ្នាំ ស្នាក់នៅផ្ទះគ្មានលេខ ក្រុម១៤ ភូមិផ្សារតូច សង្កាត់ទួលសង្កែទី១។
ទី៣-ឈ្មោះ ប៉ែន រ៉ាវុធ ភេទប្រុស អាយុ៣២ឆ្នាំ មុខរបរកម្មករស្នាក់នៅផ្ទះជួល សង្កាត់ស្រះចក ខណ្ឌដូនពេញ។
ទី៤-ឈ្មោះ តេង សុខទិន ភេទប្រុស អាយុ២០ឆ្នាំ មុខរបរនៅផ្ទះស្នាក់ផ្ទះជួល ភូមិផ្សារតូច សង្កាត់ទួលសង្កែទី១។
ទី៥-ឈ្មោះ សេង សំបូ ភេទប្រុស អាយុ២៩ឆ្នាំ មុខរបរសន្តិសុខឯកជន ស្នាក់នៅផ្ទះជួលភូមិ២ សង្កាត់ជ្រោយចង្វារ។
សម្ភារៈដកហូតរួមមានៈទូហ្គេមបាញ់ត្រី១គ្រឿង។ បច្ចុប្បន្នជនសង្ស័យទាំង៥នាក់ខាងលើ កំពុងឃាត់ខ្លួនបណ្តោះអាសន្ននៅអធិការដ្ឋានខណ្ឌដើម្បីកសាងសំណុំរឿងចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ5151
- ម្សិលមិញ12101
- សប្តាហ៍នេះ17261
- ខែនេះ132411
- ឆ្នាំនេះ132411
- សរុប20574867